කාමරංකා ශාකය - Star fruit - Averrhoa carambola

කාමරංකා

ආසියාවටම ආවේනික පලතුරක් ලෙස කාමරංකා පලතුර හැඳින්වෙන බව ඔබ දන්නවාද? පිලිපීනය, කොළොම්බියාව, ඇමෙරිකාව, නැගෙනහිර ආසියාව, මලයාසියාව, දකුණු ඉන්දියාව වැනි රටවල කාමරංකා පලතුර හොඳින් වැඩේ.

ඝර්ම කලාපීය රටවල හොඳින් වැවෙන මෙම ශාකයෙහි ඇති පලතුරෙහි විද්‍යාත්මක නාමය වන්නේ Averrhoa Carambola ය. කාමරංකා පලතුරෙහි බහුලව ඇත්තේ විටමින් ‘සී’ ය. ඉදුණු කාමරංකා ගෙඩියක් කහපාටට හුරු කොළ පැහැති ය. කැඩූ විගසම ආහාරයට ගත යුතු මෙම පලතුර ගලන ජලයෙන් සෝදා ආහාරයට ගැනීමට අමතක නොකරන්න.

කාමරංකාවල හිතකර ගුණ

සමෙහි වර්ණය පැහැපත් කිරීමට කාමරංකා පලතුරට ඇත්තේ අපූරු ශක්තියකි.

ස්නායු ක්‍රියාකාරීත්වය දුර්වල අයට හෝ ස්නායු රෝගයෙන් පීඩා විඳින්නන්ට කාමරංකා ආහාරයට ගැනීමෙන් එම රෝගී තත්ත්වයෙන් මිදිය හැක.

අස්ථිවල නිරෝගී බව ආරක්ෂා වීමටත්, අස්ථි ශක්තිමත් වීමටත් කාමරංකා පලතුර උදව් වේ. ආහාර ජීර්ණය වීම පහසු කරන නිසා ආහාර ජීර්ණ ක්‍රියාවලිය හොඳින් සිදුවේ.

මිනිස් සිරුරට කරදරකාරී වන පිළිකා රෝගයෙන් ඔබ බේරා ගැනීමට මෙම පලතුරට හැකියාව ඇත.

ශරීරයෙහි හෝමෝන අසමතුලිත තත්ත්වයකදී හෝමෝන සමතුලිත කිරීමට කාමරංකා පලතුර ඉතා දක්ෂයි.

ඔබත් නින්ද නොයෑමේ රෝගයකින් පෙළෙන අයෙක්ද? කාමරංකා පලතුර ආහාරයට ගැනීමෙන් එම නින්ද යෑමේ ක්‍රියාවලිය සාමාන්‍ය අයුරින් සිදුවේ.

උණ රෝගයෙන් පෙළෙන්නන්ට කාමරංකා පලතුර ආහාරයට ගැනීමට බිය විය යුතු නැත.

හිසරදය පවතින අවස්ථාවක කාමරංකා ආහාරයට ගැනීමෙන් හිසරදය සුව වේ.

උණ සන්නිපාතය සැදුණු විටදී කෑමට ගැනීමට උචිතය.

පාචනයට කදිම පලතුරකි.

ශරීරයට ක්ෂුද්‍ර ජීවීන්ගෙන් යම් බලපෑමක් තිබේ නම් කාමරංකා පලතුරෙන් එම ක්ෂුද්‍ර ජීවීන් නසා දමයි. ශරීරයෙහි කොලෙස්ටරෝල් ප්‍රමාණය අඩු කරන බැවින් එම රෝගය ඇති රෝගීන්ට කාමරංකා ආහාරයට ගත හැකිය. ඉන් ඔබට අත් වන්නේ සහනයකි.

මලබද්ධයෙන් පීඩා විඳින්නෙකුට ඉන් මිදීමට කාමරංකා පලතුර ආහාරයට එක් කර ගත යුතුය.

රුධිරයෙහි සීනි ප්‍රමාණය අඩු කරනා බැවින් දියවැඩියාවට ගුණදායකය.

සෙංගමාල රෝගයට වඩාත් සුදුසුය.

වටපණු රෝගයට කාමරංකා කදිම ඖෂධයකි.

ඇස් රෝගවලට ගුණදායක බැවින් නිතර නිතර කාමරංකා ආහාරයට ගන්න.

කිරිදෙන මව්වරුන්ට කිරි එරීම වැඩි කිරීමේ ශක්තියක් කාමරංකාවල ඇත.

හිරු එළියට සම පිච්චීම අඩු කරයි.

වමනයට වඩාත් හොඳයි.

ශරීරයෙහි බර අඩු වන්නේ නම් ඔබ කාමරංකා කෑමට ගන්න. එවිට බර ප්‍රමාණය ආරක්ෂා වේ.

කුරුලෑ ප්‍රශ්නයක් වී ඇති අයට කදිම ආරංචියකි. එනම් කුරුලෑ නැති කිරීමේ ගුණයක් මෙම පලතුරෙහි වේ.

ශරීරයේ ප්‍රතිශක්තිය ඇති කරනා පද්ධතිය වැඩි දියුණු කරයි.

හෘදයට හිතකරයි.

මුත්‍රා ගල්වලට ගුණදායක පලතුරකි.

අධික තරබාරු බවින් ඈත්වීමට කාමරංකා පලතුර උදව් වේ.

අර්ශස් රෝගය ඔබටත් කරදර කාරීද? එසේනම් ඊට කදිමය.

මුත්‍රා කාරකයක් ලෙස ක්‍රියා කිරීම නිසා මුත්‍රා පිටවීම පහසු කරයි.

කටෙහි ඛේටය ඉනීම නිසි පරිදි සිදු කරයි.

පොතු කබර රෝගයට වඩාත් සුදුසුය.

ආසාත්මිකතා නිසා ඇතිවන චර්ම රෝගවලට වඩාත් උචිත පලතුරකි.

කාමරංකාවල අහිතකර අගුණ

වකුගඩු රෝගවලට අගුණය.

වකුගඩුවල ශල්‍යකර්ම කළ රෝගීන්ට ගුණදායක නොවේ.

හෘද රෝගවලට බටහිර ප්‍රතිකාර ගන්නා අයට කාමරංකා පලතුර කෑම නුසුදුසුය.

වලිප්පුව තිබෙනා අයට ස්නායු ආබාධ ඇති කරයි.

මූලාශ්‍රය - http://archives.dinamina.lk/arogya/art.asp?id=2011/11/30/apg16_0

Averrhoa carambola (star fruit)

Kamaranga, kaamaranka, carambola

Origin in he Malayan region- Used in Orthpedic medications in Sri lanka

Source - http://dh-web.org/place.names/bot2sinhala.html